ജനമൈത്രി നിങ്ങളെ സഹായിക്കുന്നു.
അംഗമാകാൻ വേണ്ട രേഖകൾ
പാസ്പോര്ട്ട് കോപ്പി
ജനനത്തീയതി തെളിയിക്കുന്ന രേഖകൾ
കയ്യൊപ്പ്
നോമിനിയുടെ വിശദാംശങ്ങൾ
വിദേശ ജോലി വിവരം
വിദേശ വിലാസം /വിദ്യാഭ്യാസ യോഗ്യത പ്രവാസികള്‍ക്ക് സഹായം ഉറപ്പാക്കാന്‍ ഒട്ടേറെ പദ്ധതികളാണ് സംസ്ഥാന പ്രവാസി ക്ഷേമ ബോര്‍ഡ് നടപ്പാക്കുന്നത്. എല്ലാ പ്രവാസികള്‍ക്കും മിനിമം പെന്ഷന് 2000 രൂപയാക്കിയതോടെ രാജ്യത്ത് ഏറ്റവും കൂടുതല്‍ തുക ക്ഷേമ പെന്‍ഷനായി നല്‍കുന്ന ബോര്‍ഡായി ഇത് മാറിയിരുന്നു. പ്രവാസി ക്ഷേമ ബോര്‍ഡില്‍ അംഗത്വമെടുക്കുന്നവരുടെ ചികിത്സ, പെന്ഷന്, പ്രസവം, വിദ്യാഭ്യാസം ഉള്‍പ്പെടെയുള്ളവയ്ക്ക് ആകര്‍ഷകമായ ആനുകൂല്യങ്ങളാണ് നിലവിലുള്ളത്.
പെന്ഷന് പദ്ധതി
അഞ്ചുവര്‍ഷത്തില്‍ കുറയാതെ തുടര്‍ച്ചയായി പണമടച്ച 60 വയസ്സ് പിന്നിട്ട ഓരോ പ്രവാസിക്കും പ്രതിമാസം രണ്ടായിരം രൂപ പെന്ഷന് ലഭിക്കും. ഇവര്‍ പൂര്‍ത്തിയാക്കിയ ഓരോ അംഗത്വ വര്‍ഷത്തിനും മിനിമം പെന്ഷന് തുകയുടെ മൂന്ന് ശതമാനത്തിന് തുല്യമായ തുക കൂടി അധിക പെന്‍ഷനായി ന്ല്‍കുന്നുണ്ട്.
കുടുംബ പെന്ഷന്
അംഗമായ പ്രവാസി മരണമടഞ്ഞാല്‍ കുടുംബത്തിന് പെന്ഷന് ലഭിക്കും. അഞ്ച് വര്‍ഷത്തില്‍ കുറയാതെ തുടര്‍ച്ചയായി പണമടച്ചവരുടെ കുടുംബങ്ങള്‍ക്കാണ് ആനുകൂല്യം ലഭിക്കുക. പ്രതിമാസ പ്രായാധിക്യ പെന്ഷന് തുകയുടെ 50% ആയിരിക്കും കുടുംബ പെന്ഷന്.
ചികിത്സാ സഹായം
ഗുരുതരമായ രോഗം ബാധിച്ച അംഗങ്ങളുടെ ചികിത്സക്കായി ഒരംഗത്തിന് 50,000 രൂപ വരെ ചികിത്സാ സഹായം ലഭിക്കും. ചികിത്സ കഴിഞ്ഞ് ആറ് മാസത്തിന് ശേഷം അപേക്ഷ നല്‍കാം. വിദേശത്തെ ചികിത്സയ്ക്ക് ആ രാജ്യത്തെ എംബസിയുടെ സാക്ഷ്യപത്രം സമര്‍പ്പിക്കണം.
സര്‍ക്കാര്‍ ആശുപത്രികള്‍, സഹകരണ ആശുപത്രികള്‍, സര്‍ക്കാര്‍ അംഗീകരിച്ച സ്വകാര്യ ആശുപത്രികളിലെ ചികിത്സയ്ക്കാണ് സഹായം ലഭിക്കുക. എന്നാല്‍ നോര്‍ക്ക റൂട്ട്‌സ്, കേന്ദ്ര-കേരള സര്‍ക്കാരുകള്‍, തദ്ദേശ സ്വയംഭരണ സ്ഥാപനങ്ങള്‍ ഉള്‍പ്പെടെയുള്ളവയില്‍ നിന്ന് സഹായം സ്വീകരിക്കുന്നവര്‍ക്ക് ആനുകൂല്യം ലഭിക്കില്ല.
വിവാഹ ധനസഹായം
കുറഞ്ഞത് മൂന്ന് വര്‍ഷമെങ്കിലും തുടര്‍ച്ചയായി പണം അടച്ചവര്‍ക്കോ വിവാഹത്തിനു മൂന്ന് വര്‍ഷത്തെ പണം മുന്‍കൂറായി അടച്ചതോ ആയ അംഗങ്ങള്‍ക്കാണ് ആനൂകൂല്യം ലഭിക്കുക. പ്രായപൂര്‍ത്തിയായ പെണ്‍മക്കളുടെയും സ്ത്രീ അംഗങ്ങളുടെയും വിവാഹച്ചിലവിനായി 10000 ഒരംഗത്തിന് ലഭിക്കും. എന്നാല്‍ രണ്ടില്‍ കൂടുതല്‍ തവണ ഈ ആനുകൂല്യത്തിന് അര്‍ഹതയുണ്ടാകില്ല.
പ്രസവ ആനുകൂല്യം
തുടര്‍ച്ചയായി രണ്ട്‌വര്‍ഷക്കാലം അംശദായം അടച്ചിട്ടുള്ള വനിതാ അംഗത്തിന്റെ പ്രസവത്തിന് ധനസഹായം ലഭിക്കും. 3000 രൂപ വരെയാണ് ലഭിക്കുക. ഗര്‍ഭം അലസിയ വനിതകള്‍ക്ക് 2000 രൂപ വരെ ആനുകൂല്യത്തിന് അര്‍ഹതയുണ്ട്. രണ്ടു തവണ പ്രസവാനുകൂല്യമോ ഗര്‍ഭം അലസിയതിന് ശേഷമുള്ള ആനുകൂല്യമോ ലഭിച്ച അംഗത്തിന് തുടര്‍ന്ന് സഹായത്തിന് അര്‍ഹതയുണ്ടാകില്ല.
വിദ്യാഭ്യാസ ആനുകൂല്യം
രണ്ട് വര്‍ഷമെങ്കിലും നിധിയില്‍ തുടര്‍ച്ചയായി അംശാദായം അടച്ചിട്ടുള്ള അംഗങ്ങളുടെ മക്കള്‍ക്ക് വിദ്യാഭ്യാസത്തിന് സഹായം ലഭിക്കും. കോഴ്‌സിനെ അടിസ്ഥാനപ്പെടുത്തി പരമാവധി 4000 രൂപ വരെയാണ് അനുവദിക്കുക. കേരളത്തില്‍ മെറിറ്റ് സീറ്റില്‍ പ്രവേശനം നേടിയവര്‍ക്കാണ് ധനസഹായത്തിന് അര്‍ഹത. ഒരു അംഗത്വ കാലയളവില്‍ ഒരു തവണ മാത്രമാണ് വിദ്യാഭ്യാസത്തിന് സഹായം ലഭിക്കുക.
അംഗവൈകല്യമുള്ളവര്‍ക്ക് സഹായം
അംഗവൈകല്യം മൂലം ജോലിയെടുക്കാന്‍ കഴിയാത്തവര്‍ക്കാണ് പെന്ഷന് അര്‍ഹത. ഇവര്‍ മൂന്നു വര്‍ഷത്തിലധികം തുടര്‍ച്ചയായി അംശാദായം അടച്ചവരാകണം. പെന്ഷന് ലഭിക്കാന്‍ ചികിത്സിച്ച ഡോക്ടറുടെയും മെഡിക്കല്‍ ബോര്‍ഡിന്റെയും സര്‍ട്ടിഫിക്കറ്റുകള്‍ ഹാജരാക്കേണ്ടതാണ്.
അവശതാ പെന്ഷന്
മൂന്നുവര്‍ഷത്തില്‍ കൂടുതല്‍ അംശാദായം അടച്ച ശാരീരിക അവശത മൂലം കഷ്ടത അനുഭവിക്കുന്ന അംഗത്തിന് സഹായം ലഭിക്കും. അര്‍ഹതപ്പെട്ട പെന്ഷന് തുകയുടെ 40%ന് തുല്യമായ തുകയാണ് ഒരാള്‍ക്ക് ലഭിക്കുക.
അപകടമരണവും ഇന്‍ഷുറന്‍സും
അംഗങ്ങള്‍ അപകടത്തില്‍പ്പെട്ട് മരിച്ചാലും അവര്‍ക്ക് ചികിത്സ ആവശ്യമായി വന്നാലും സഹായം ലഭിക്കും. ദേശസാല്‍കൃത ഇന്‍ഷുറന്‍സ് കമ്പനികളുമായി സഹകരിച്ചാണ് സഹായം.
അപേക്ഷിക്കേണ്ടത് എങ്ങനെ.?
ജനമൈത്രി നിങ്ങളെ സഹായിക്കുന്നു.
9947123221 Ambalamukku, adinadu.
പ്രവാസി ക്ഷേമ ബോര്‍ഡിന്റെ വെബ്‌സൈറ്റായ https://pravasikerala.org/ വഴിയോ ഓഫീസുകളിലൂടെ നിന്ന് നേരിട്ടോ അപേക്ഷ നല്‍കാം. ഓരോ ആനുകൂല്യത്തിനും പ്രത്യേക അപേക്ഷ നല്‍കണം. ഒരു വര്‍ഷത്തോളം അംശാദായം മുടക്കിയവര്‍ക്ക് ആനുകൂല്യം ലഭിക്കില്ല.
